Friday, January 15, 2010

நான் அவன் இல்லை - 3


நான் அவன் இல்லை - 3


கதாநாயகனான என்.டி.திவாரி நடித்துள்ளார். இந்தப் படத்தின் துவக்கத்திலேயே அப்பாவிப் பெண் ஒருவரை ஏமாற்றிய வழக்கிலிருந்து விடுதலையாகி நீதிமன்றத்திலிருந்து வெளியே வருவது போன்ற காட்சிதான். அப்பாவிதானோ என்று நினைப்பதற்குள் வில்லத்தனமான காட்சிகள் துவங்குகின்றன. சிக்கியவுடன் இதெல்லாம் செட்டப்...என்று அலறுகிறார் திவாரி. கிளைமாக்சில் சொந்த ஊருக்கு ரகசியமாகத் திரும்புகிறார். ஊரில் இறங்கியவுடன் நான் அவன் இல்லை என்கிற போது வில்லன் திவாரி காமெடி பீஸ் ஆகிவிடுகிறார்.
**********

வேட்டைக்காரன்


பாஜகவின் பொறுப்பில் இருக்கும் ஒவ்வொருவரையும் வேட்டையாடுகிறார் கதாநாயகர் மோகன் பாக்வத். அத்வானியுடனான மோதல்தான் கதையின் முக்கியமான பகுதி. படத்தின் முதல் பாதியில் அத்வானி தாக்குப்பிடித்தாலும் இரண்டாவது பாதியில் வெள்ளைக் கொடி காட்டுகிறார். வெளியில் அது சமாதானம் போலத் தெரிந்தாலும், சரணாகதி என்பது அவரது வசனங்களில் தெரிகிறது. அடைக்க முடியாத பெரிய ஓட்டையை பாஜகவில் வேட்டைக்காரன் போட்டுள்ளான்.
---------------


அவதார்


ஒபாமாவை நாயகனாக அவதாரம் எடுக்க வைத்த ஆங்கிலப்படம். தமிழில் மொழி மாற்றம் செய்துள்ளனர். நோபல் பரிசை ஒபாமா பெற்றுக் கொள்ளும் காட்சியில் தியேட்டரே குலுங்கும் அளவுக்கு சிரிப்பொலி. பரிசைப் பெற சென்று கொண்டிருக்கும்போதே தொலைபேசி அழைப்பு வருகிறது. ஒரு நிமிடம் என்று மேடையில் நின்றவாறே, என்ன... மக்களைக் கொன்று குவிக்க இன்னும் 30 ஆயிரம் பேர் கூடுதலாகத் தேவைப்படுகிறார்களா... உடனே அனுப்புகிறேன் என்று சொல்வதால் கூடுதல் சிரிப்பலைகள். பரிசுக்குழுவினர் முணுமுணுக்கிறார்கள், அடுத்த ஆண்டும் கொடுக்க வேண்டி வரும்போலருக்கே... என்று.

5 comments:

  1. தோழர்...! இதனை அங்கங்கு கொஞ்சம மாற்றி, காலையிலேயே என் பதிவில் போட்டிருக்கிறேன். பார்க்கவில்லையா....? ரசித்தேன்!

    ReplyDelete
  2. நன்றி தோழர் மாதவராஜ்... நன்றி அண்ணாமலையான் அவர்களே...

    ReplyDelete
  3. very shorp political coment with a literary flavour.keep it up comrade...kashyapan

    ReplyDelete
  4. Thank you, Comrade Kashyapan...

    ReplyDelete